Pistorius: “Bundesverə əlavə 9 milyard avro lazımdır”

Almaniyanın müdafiə naziri Boris Pistorius bildirib ki, Bundesverin (Almaniya Silahlı Qüvvələri - red.) ehtiyaclarını ödəmək üçün 9,1 milyard avro əlavə maliyyəyə ehtiyac var.

"Report"un məlumatına görə, bu fikirləri müdafiə idarəsinin rəisi Bundestaq deputatlarının suallarını cavablandırarkən deyib.

Pistorius qeyd edib ki, qarşıdan gələn büdcə danışıqlarında vəsaitin həcmi hələ müzakirə olunmur.

"Mənim üçün müdafiə məqsədilə ÜDM-in 2%-i hədəfinə nail olmağımız son dərəcə vacibdir", - o vurğulayıb. "Biz bunun üzərində çox işləyirik", - nazir əlavə edib.