Peru parlamenti prezidentin istefasına səs verib

Peru parlamenti daha əvvəl qanunverici orqanın buraxıldığını və komendant saatı tətbiq edildiyini elan etmiş Prezident Pedro Kastillonun istefasına səs verib.

“Report” xəbər verir ki, bu barədə RPP radiostansiyası məlumat yayıb.

Təklifi 101 deputat dəstəkləyib, 6 deputat əleyhinə səs verib, 10 deputat bitərəf qalıb.

Bildirilib ki, yerli vaxtla saat 15:00-da (Bakı vaxtı ilə saat 00:00) birinci vitse-prezident Dina Boluartenin respublika prezidenti vəzifəsinin icrasına başlaması üçün andiçmə mərasimi keçiriləcək.