Pentaqon: İraq və Suriyada 21 amerikalı əsgər yaralanıb

Oktyabrın 17-18-də İraq və Suriyada silahlıların hücumları nəticəsində 21 amerikalı əsgər yaralanıb.

"Report" xəbər verir ki, bu barədə Pentaqonun mətbuat katibi Patrik Rayder jurnalistlər üçün keçirdiyi növbəti brifinqdə bildirib.

Belə ki, oktyabrın 17-dən 18-dək İraqdakı Ayn əl-Əsəd və Suriyadakı Əl-Tanf bazalarına pilotsuz təyyarələr hücum edib.

Qeyd edək ki, bir gün əvvəl ABŞ dövlət katibi Antoni Blinken İraqın Baş naziri Məhəmməd əl-Sudani ilə hərbi bazalarına hücumları müzakirə edib.

Blinken Baş nazirdən hücumların arxasında duranların mühakimə olunmasını və İraqın bu ərazilərdə təhlükəsizliklə bağlı öhdəliklərinin yerinə yetirilməsini təmin etməyə çağırıb.