Yuxarı

​Pentaqon: İraqın Mosul şəhərində İŞİD-in 2 yüksək rütbəli hərbçisi öldürülüb

Onlardan biri İŞİD-in hərbi nazirinin müavini, digər şəxs qruplaşmanın Mosul şəhərindəki komandiri olub

Bakı. 2 iyul. REPORT.AZ/ ABŞ-ın rəhbərlik etdiyi antiterror koalisiyası qüvvələrinin İraqın Mosul şəhərinə endirdikləri hava zərbələri nəticəsində İŞİD terror qruplaşmasının iki hərbi rəhbəri öldürülüb. "Report" "RİA Novosti"yə istinadən xəbər verir ki, bu barədə Pentaqondan məlumat verilib.

Məlumata görə, İŞİD-in iki yüksək rütbəli zabiti koalisiya qüvvələri tərəfindən iyunun 25-də hədəfə alınıb. Avia zərbələr nəticəsində hər iki zabit məhv edilib.  

Öldürülənlərdən biri Basim Məhəmməd Sultan əl-Baharidir. O, İŞİD-in hərbi "nazir"inin müavini imiş. Zərərsizləşdirilmiş digər şəxs Hatim Talib əl-Hamduni isə İŞİD-in Mosul şəhərindəki əsas komandirlərindən olub. 

Bildirilir ki, əl-Bahari "Əl-Qaidə" terror təşkilatının keçmiş üzvlərindən biri, təcrübəli terrorçu olub. O, İŞİD-in 2014-cü ildə Mosula hücum zamanı terror qruplaşmasının əsas hərbçilərindən olub.  

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi