Pekinin yeni aeroportunun buraxıcılıq qabiliyyəti artaraq ildə 100 milyon sərnişinə çatacaq

Bakı. 22 noyabr. REPORT.AZ/ Pekinin yeni aeroportunun buraxıcılıq qabiliyyəti artaraq, 2040-cı ildə 100 milyon sərnişinə çatacaq.

Sentyabrın sonunda Pekinin yeni aeroportunun 700 min kvadratmetr sahəni əhatə edən terminalının tikintisi başlanıb.

Gözlənildiyinə görə, aeroportun planlaşdırılan yeddi uçuş-enmə xəttindən dördü 2025-ci il üçün istifadəyə veriləcək. Bu zolaqlar ildə 620 min təyyarənin havaya qalxıb enməsinə xidmət edəcək. Yeni aeroportun illik buraxıcılıq qabiliyyəti 70 milyon sərnişin və 2 milyon ton yük təşkil edəcək.

Sərnişin dövriyyəsinin həcmi artaraq ildə 100 milyon nəfərə çatacaq, yeni hava limanından keçən yük dövriyyəsi 4 milyon tonadək artacaq. Həmin vaxtadək yeddi uçuş-enmə zolağının hamısını işə salmaq planlaşdırılır.

Yeni aeroport Pekinin cənubunda Dasin rayonunda yerləşir. Onun tikintisinə 2014-cü ilin dekabr ayında başlanılıb.