Parisdə terror təhlükəsizliyi maksimal səviyyəyə qaldırılıb

Bakı. 7 yanvar. REPORT.AZ/ Fransanın paytaxtında terror təhlükəsizliyi maksimal səviyyəyə qaldırılıb. Bu barədə "Report" AFP-yə istinadən xəbər verir.

"Fransanın baş naziri Manuel Vals İl-de-Frans region ərazisində terror təhlükəsini maksimal səviyyəyə qaldırmaq qərarını alıb", - Fransa baş naziri aparatının bəyanatında deyilir. 

Qeyd edək ki, Parisdə satirik jurnalın redaksiyasına silahlı hücum nəticəsində 12 nəfər ölüb, daha 10 nəfər yaralanıb.