Papua-Yeni Qvineyada zəlzələ nəticəsində 125 nəfər ölüb

Bakı. 15 mart. REPORT.AZ/ Fevralın 26-da Papua-Yeni Qvineyada baş vermiş güclü zəlzələ nəticəsində azı 125 nəfər həyatını itirib.

“Report” TASS-a istinadən xəbər verir ki, bu barədə cümə axşamı ölkənin rəsmi polis nümayəndəsinə istinadən Yeni Zelandiya radiosu məlumat yayıb.

"Bizdə olan məlumatlara görə, Sauzern-Haylends əyalətində 45 nəfər, Hela əyalətində isə 80 nəfər ölüb", - deyə o bildirib və əlavə edib ki, 35 mindən çox insan evsiz qalıb.

Polis nümayəndəsi ölənlərin sayının çox güman ki, artacağını qeyd edib.

Avstraliyalı seysmoloqların məlumatına görə, fevralın 26-da Yeni Qvineya adasının şərqində 7,5 maqnituda zəlzələ baş verib. Onun ocağı yerin 9 km dərinliyində olub.