Pakistanda koronavirus sürətlə yayılır

Pakistanda fevral ayından bu yana COVID-19 virusuna 155 mindən çox yoluxan və 3 mindən artıq ölən var.

“Report” xəbər verir ki, bu barədə Pakistan Milli Səhiyyə İnstitutunun İctimai səhiyyə departamentinin rəhbəri Məhəmməd Salman Şanhay bildirib.

“Təhlükə qalsa da, pandemiyanın sürətini azaltmağı, o cümlədən səhiyyə infrastrukturumuzun imkanlarını artırmağı bacardığımızı düşünürəm”, - deyən M.S.Şanhay ölkədə hazırda 30-dan artıq laboratoriyada koronavirus testlərinin aparıldığını diqqətə çatdırıb.