Yuxarı
    Bağlamaq

    Ötən üç sutka ərzində Mosulu 5 mindən çox yerli sakin tərk edib

    Oktyabrın 17-dən şəhərin terrorçulardan geri alınmasına başlanılıb

    Bakı. 20 oktyabr. REPORT.AZ/ Ötən üç gün ərzində 5 min 500-dən çox Mosul sakini öz evini tərk etmək məcburiyyətində qalıb. Onların əksəriyyəti mühasirədə olan şəhərdən son 24 saat ərzində qaçıb.

    "Report" xəbər verir ki, bu barədə Beynəlxalq Miqrasiya Təşkilatının nümayəndəsinə istinadən "Reuters" məlumat yayıb.

    Mosulun İŞİD terrorçularından təmizlənməsi üzrə yerüstü hərbi əməliyyata oktyabrın 17-si səhər saatlarından başlanıb. Əməliyyatda İraq ordusu ilə yanaşı kürd birləşmələri və beynəlxalq anti-terror koalisiyası da iştirak edir.

    Əhalisi 1,3 milyon nəfər olan və Bağdaddan sonra İraqın ikinci ən böyük şəhəri sayılan Mosul iki ildən artıqdır ki, İŞİD-in nəzarəti altındadır.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi