Yuxarı
    Bağlamaq

    Ötən il 5 min 411 nəfər ABŞ vətəndaşlığından imtina edib

    Böyük Britaniyanın xarici işlər naziri Boris Conson ABŞ vətəndaşlığından çıxıb

    Bakı. 9 fevral. REPORT.AZ/ Böyük Britaniyanın xarici işlər naziri Boris Conson ABŞ vətəndaşlığından imtina edib.

    “Report” “The Wall Street Journal”a istinadən xəbər verir ki, B.Conson ABŞ-da doğulduğundan o, həm də bu ölkənin vətəndaşlıq pasportuna malik olub.

    B.Conson bildirib ki, Nyu-Yorkda doğulub, 5 yaşı olanda ABŞ-dan köçüblər. Amma buna baxmayaraq bu ölkənin vətəndaşlığını saxlayırmış. Onun sözlərinə görə, 2014-cü ildə ABŞ hökuməti ondan Londonda satdığı evinin vergisini ödəməyi tələb edib. B.Conson deyib ki, həmin tələbdən sonra ABŞ vətəndaşlığından imtina edib.

    Məlumatda vurğulanıb ki, XİN başçısının ABŞ-da 50 min dollar məbləğində gəlir vergisi borcu var. 

    Jurnal 2016-cı ildə ABŞ vətəndaşlığından imtina edənlərin siyahısını da dərc edib. Ölkənin Maliyyə Nazirliyi hər rüb belə siyahı açıqlayır.

    Ötən il 5411 nəfər ABŞ vətəndaşlığından imtina edib. İnformasiyada bildirlib ki, 2016-cı ildə ABŞ pasportundan imtina edən ikili vətəndaşı olanların sayı 1990-cı illə müqayisədə 26 faiz artaraq, rekord həddə çatıb. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi