OSDH: Suriyada martın 6-dan bəri 1 380-dən çox dinc sakin həlak olub

Suriyanın insan hüquqları üzrə qeyri-hökumət təşkilatı olan OSDH martın 6-dan bu günə qədər ölkənin qərb və mərkəzi hissələrində silahlı insidentlər zamanı 1 383 mülki şəxsin həlak olduğunu bildirib.

“Report” xarici mediaya istinadən xəbər verir ki, insidentlər ölkənin keçmiş lideri Bəşər Əsədin mənsub olduğu ələvilərin məskunlaşdığı regionda baş verib.

OSDH vurğulayıb ki, bunlar ilkin rəqəmlərdir və ölənlərin sayı arta bilər.