Olaf Şolts: "Rusiya Ukrayna müharibəsi haqqında yalanlar danışır"

Vaşinqtonda səfərdə olan Almaniya kansleri Olaf Şolts Rusiya Prezidenti Vladimir Putinin son müsahibəsini tənqid edib, xüsusilə Ukraynadakı münaqişənin səbəbləri ilə bağlı dedikləri ilə razılaşmayıb.

“Report” bu barədə TASS-a istinadən xəbər verir.

ABŞ Prezidenti Cozef Baydenlə danışıqlardan əvvəl O.Şolts Rusiya prezidentinin arqumentləri ilə razılaşmadığını bildirib.

Kansler həmçinin iddia edib ki, Rusiya hakimiyyəti həmişə bu müharibənin tarixi haqqında çoxlu yalanlar danışır.

Şoltsun sözlərinə görə, V.Putinin amerikalı jurnalist Taker Karlsona verdiyi müsahibədə Rusiyanın Ukraynadakı real hərəkətlərinə lağ edilir və bu müharibənin səbəbləri haqqında absurd hekayələr danışılır.