Yuxarı
    Bağlamaq

    Obama öz layihələrinə dəstək axtarmaq üçün vida turuna çıxacaq

    ABŞ prezidenti Yunanıstan, Almaniya və Perunu ziyarət edəcək

    Bakı. 12 noyabr. REPORT.AZ/ ABŞ prezidenti Barak Obama dövlət başçısı vəzifəsində son xarici turu zamanı Donald Tramp haqqında danışmağa və öz layihələrinə dəstək axtarmağa hazırdır.

    "Report" xəbər verir ki, bu barədə cümə günü Ağ Evdəki mənbəyə istinadən "The Associated Press" məlumat yayıb.

    Məlumata görə, Obama noyabrın 14-də altı günlük xarici tur çərçivəsində Yunanıstan, Almaniya və Peruya səfərlər edəcək. O, tur zamanı bir sıra rəsmi şəxslərlə, eləcə də Yunanıstanın baş naziri Aleksis Sipras, Almaniya kansleri Angela Merkel, Böyük Britaniyanın baş naziri Tereza Mey və Fransa prezidenti Fransua Olland ilə görüşəcək.

    ABŞ lideri, eyni zamanda Peruda iqtisadi forumda iştirak edəcək, Limada Çin sədri Si Szinpin və Avstraliyanın baş naziri Malkolm Ternbull ilə görüşəcək.

    Ağ Evdən bu turun prezidentin vida səfəri olacağı bildirilib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi