Nyu-Yorkun mərkəzində şübhəli predmet aşkarlanıb

ABŞ polisi Nyu-Yorkun mərkəzi meydanı Tayms-skverdə aşkarlanan şübhəli əşyaya görə insanları təxliyə edib.

“Report” xəbər verir ki, bu barədə NBS telekanalı bildirib.

Məlumata görə, yerli vaxtla saat 12:30-da ( Bakı vaxtı ilə saat 20:30-da) velosipedçi qırmızı pillələrə - meydanın mərkəzi hissəsinə metal qab atıb.

Hadisə yerinə hüquq-mühafizə orqanlarının əməkdaşları cəlb edilib və ərazi əhatəyə alınıb.