Nigeriyada toqquşmalar zamanı onlarla insan öldürülüb

Nigeriyada toqquşmalar zamanı onlarla insan öldürülüb.

Bu barədə "Report" "Nation" qəzetinə istinadən xəbər verir.

Məlumata görə, hadisə ölkənin şimal-qərbində, Zamfara kəndində baş verib. Belə ki, iki silahlı qruplaşmanın toqquşması nəticəsində azı 26 nəfər həlak olub.

Qeyd edilir ki, silahlı toqquşma yerli vaxtla saat 5-də baş verib. Cinayətkar qruplaşmalardan biri azyaşlı da daxil olmaqla, 4 nəfəri öldürüb. Digər qruplaşma buna cavab olaraq 23 nəfəri zərərsizləşdirib.

"France Press" agentliyi bildirib ki, ərazinin təhlükəsizliyi üçün hadisə yerinə hərbçilər göndərilib.