Nigeriya ordusu 72 nəfəri “Boko Haram”dan azad etdi

Nigeriya ordusu “Boko Haram” yaraqlıları tərəfindən girov götürülən 70-dən çox şəxsi azad edib.

“Report” xəbər verir ki, bu barədə “Sinhua” agentliyi məlumat yayıb.

Əməliyyat ölkənin şimal-şərqindəki Borno əyalətində mayın 4-dən 14-dək həyata keçirilib.

Girovluqdan azad edilən 72 girov əsasən qadınlar və uşaqlardır.

Bundan əlavə, əməliyyatlar zamanı qrupun azı 18 üzvü məhv edilib. Terrorçuların silahları ələ keçirilib.