Myanmada zəlzələ nəticəsində hotel uçub, iki nəfər ölüb

Myanmanın şimal-şərqində yerləşən Şan ştatında hotel binasının uçması nəticəsində təxminən 20 nəfərin dağıntılar altında qalması ehtimal olunur, ən azı 2 nəfər isə həlak olub.

“Report” TASS-a istinadən xəbər verir ki, bu barədə DVD portalı məlumat yayıb.

"Hazırda xilasetmə işləri aparılır. Təxminən 8 mərtəbəli bina tamamilə uçub. Hələlik içəridə neçə nəfərin olduğu məlum deyil. Düşünürəm ki, orada 15-20 nəfər var", - xilasedicilərdən biri bildirib.

AFP agentliyinin məlumatına görə, Myanma hakimiyyəti altı regionda fövqəladə vəziyyət elan edib və zəlzələnin nəticələri ilə mübarizə üçün beynəlxalq ictimaiyyətdən kömək istəyib.

Xəbər verildiyi kimi, Myanmada məscid və monastırın uçması nəticəsində 16 nəfər həlak olub.