Myanmada hərbi rejim Nobel mükafatı laureatını 4 il azadlıqdan məhrum edib

Myanmada hərbi rejim Nobel mükafatı laureatını 4 il azadlıqdan məhrum edib Myanmada keçmiş dövlət müşaviri Aun San Su Çjini orduda iğtişaş yaratdığı və sanitar normaları pozduğu üçün 4 il müddətinə azadlıqdan məhrum edilib
Digər ölkələr
6 Dekabr , 2021 10:42
Myanmada hərbi rejim Nobel mükafatı laureatını 4 il azadlıqdan məhrum edib

Myanmada keçmiş dövlət müşaviri Aun San Su Çjini orduda iğtişaş yaratdığı və sanitar normaları pozmaqda günahkar bilinərək 4 il müddətinə azadlıqdan məhrum edilib.

“Report” xəbər verir ki, məlumatı “France Presse” agentliyi yayıb.

Qeyd edək ki, bu il fevralın 1-də Myanmada hərbi çevriliş olub. Ölkədə bir il müddətinə fövqəladə vəziyyət elan edilib. Myanma Prezidenti Vin Mina və dövlət müşaviri Aun San Su Çji də daxil olmaqla müxtəlif mülki vəzifəli şəxslər həbs edilib.

Xatırladaq ki, 76 yaşlı siyasətçi Aun San Su Çji “Demokratiya uğrunda Milli Liqa”nın lideridir. O, 1991-ci ildə Nobel sülh mükafatına layiq görülüb.

Aun San Su Çji 2016-2021-ci illərdə Myanmanın XİN rəhbəri və dövlət müşaviri (baş nazir statusuna uyğun) vəzifəsini tutub.

Son xəbərlər

Orphus sistemi