Myanmada hərbçilər helikopterdən məktəbə atəş açıb, 6 nəfər ölüb, 17 nəfər yaralanıb

Myanmada hərbçilərin helikopterdən məktəbə atəşə açması nəticəsində 6 nəfər ölüb, 17 nəfər yaralanıb.

“Report” xəbər verir ki, məlumatı “The Jerusalem post” yayıb.

Qeyd edək ki, ötən ilin fevralın 1-də Myanmada hərbi çevriliş olub. Ölkədə fövqəladə vəziyyət elan edilib. Myanma Prezidenti Vin Mina və dövlət müşaviri Aun San Su Çji də daxil olmaqla müxtəlif mülki vəzifəli şəxslər həbs edilib.

Xatırladaq ki, 77 yaşlı siyasətçi Aun San Su Çji “Demokratiya uğrunda Milli Liqa”nın lideridir. O, 1991-ci ildə Nobel Sülh mükafatına layiq görülüb.