“Mossad”ın rəhbəri Qətərdə Qəzzadan girovların azad edilməsini müzakirə edib

İsrailin xarici kəşfiyyat xidmətinin (Mossad – Qeyd) rəhbəri David Barnea Qətərə səfər edib.

“Report” xəbər verir ki, bu barədə “Axios” mənbələrə istinadən məlumat yayıb.

Barnea həftə sonu Qətərə gedərək yüksək səviyyəli rəsmilərlə görüşüb və Qəzza zolağından 235-dən çox İsrail və əcnəbi vətəndaşın girovluqdan azad edilməsi səylərini müzakirə edib.

Nəşr vurğulayıb ki, Qətər hazırda girovların azad edilməsi məsələsində İsrail və Həmas arasında əsas vasitəçidir.