Monteneqro vətəndaşlarını Ukraynanı tərk etməyə çağırıb

Monteneqronun Xarici İşlər Nazirliyi ölkə vətəndaşlarına Ukrayna ərazisini tərk etməyi tövsiyə edib.

"Report" TASS-a istinadən xəbər verir ki, bu barədə nazirliyin məlumatında deyilir.

Nazirlik, həmçinin öz vətəndaşlarını Monteneqronun Kiyevdəki səfirliyi ilə daimi əlaqədə olmağa çağırıb.

Son zamanlar Qərb ölkələrində Rusiyanın Ukrayna ərazisinə mümkün müdaxiləsi ilə bağlı bəyanatlar səslənir. Rusiya Prezidentinin mətbuat katibi Dmitri Peskov bu cür məlumatları boş və əsassız adlandırıb. Peskov vurğulayıb ki, Rusiya heç kim üçün təhlükə yaratmır.