Monqolustanda bir sıra vəzifəli şəxslərin həbsi tələbi ilə mitinq keçirilib

Bakı. 15 noyabr. REPORT.AZ/ Monqolustanın paytaxtı Ulan-Bator şəhərinin mərkəzi meydanında bir sıra deputat və nazirlərin cinayət məsuliyyətinə cəlb edilməsi tələbi ilə mitinq keçirilib.

“Report” “CA-NEWS”a istinadən xəbər verir ki, aksiya iştirakçıları məsələ ilə bağlı ölkə parlamentinin sədri Mieqombın Enxboldu və Baş nazir Uxnaaqiynu Xurelsuxuya müraciət ediblər.

Monqolustanın yüksək vəzifəli şəxsləri, o cümlədən nazirlər, deputatlar, baş prokuror, baş auditor, Mərkəzi Bankın rəhbəri və kəşfiyyat xidmətinin keçmiş başçısı Kiçik və Orta Sahibkarlıq Fəaliyyətinin İnkişafı Fondunun 1,3 milyon dollar məbləğində maliyyə vəsaitini mənimsəyiblər. Bu fond 18 il əvvəl kiçik və orta müəssisələrə illik 3 faiz kredit vermək məqsədi ilə yaradılıb.