MKİ direktoru Rusiyanın nüvə silahından istifadə edəcəyini güman etmir

ABŞ Mərkəzi Kəşfiyyat İdarəsinin (MKİ) direktoru Uilyam Börns MKİ-nin Rusiyanın faktiki olaraq taktiki nüvə silahından istifadə etməyə hazırlaşdığına dair heç bir əlaməti görmədiyini bildirib.

“Report” xəbər verir ki, bu barədə o, PBS telekanalına müsahibəsində danışıb.

Onun qənaətincə, yəqin ki, bu mövzu ətrafında bütün söhbətlərin və hərəkətlərin yalnız bir məqsədi var - dünyanı qorxutmaq:

“Düşünürəm ki, silahı gözə soxmaq qorxutmaq məqsədi daşıyır. Bu gün biz taktiki nüvə silahlarından istifadə planlarına dair aydın dəlil görmürük”.