MİT İraqda əməliyyat keçirib, PKK-nın rəhbər şəxslərindən biri zərərsizləşdirilib

Türkiyə Milli Kəşfiyyat İdarəsi (MİT) İraqın şimalındakı Süleymaniyye bölgəsində yeni əməliyyat keçirib.

“Report” xəbər verir ki, bu barədə “Anadolu” məlumat yayıb.

Bildirilib ki, əməliyyat bölgəsində PKK/KCK terror qruplaşmasının üç üzvü zərərsizləşdirilib.

Onlardan birinin qruplaşmanın Süleymaniyye bölgəsi üzrə rəhbər şəxsi Pmer Fırat olduğu bildirilib.

Məlumatda, həmçinin göstərilib ki, zərərsizləşdirilən terrorçulardan biri İran vətəndaşı “Raman Renas” kod adlı İrfan Zendidir. Digəri isə “Cengaver Mikayil” kod adlı Hidayer Resulidir.

Sözügedən əməliyyatın PKK üçün ağır nəticəyə və psixoloji təzyiqə səbəb olduğu bildirilir.