Misirdə polis idarəsində yanğın olub, 38 nəfər yaralanıb

Misirin İsmailiyyə şəhərində polis idarəsində baş verən yanğın nəticəsində azı 38 nəfər xəsarət alıb.

“Report” “Al-Youm as-Sabia”ya istinadən xəbər verir ki, bu barədə Misirin Səhiyyə Nazirliyindən bildirilib.

Məlumata görə, hadisə oktyabrın 2-də gecə saatlarında baş verib. Hadisə yerinə 50 təcili tibbi yardım avtomobili göndərilib. Yanğın söndürülüb. Axtarış-xilasetmə əməliyyatı davam edir. Misir Silahlı Qüvvələri hadisə yerinə 2 təyyarə göndərib.

Yanğının səbəbi araşdırılır.