Yuxarı

​Misirdə Məhəmməd Mursinin tərəfdarlarından biri edam edilib

Mahmud Həsən Ramazan İskəndəriyyə şəhərindəki binalardan birində uşaqları ataraq öldürməkdə təqsirləndirilib

Bakı. 7 mart. REPORT.AZ/ Bu gün səhər saatlarında Misirdə hərbi çevriliş nəticəsində vəzifəsindən uzaqlaşdırılan prezident Məhəmməd Mursinin tərəfdarlarından biri edam edilib. 

"Report" Türkiyə KİV-inə istinadən verdiyi məlumata görə, bu barədə Misirin Daxili İşlər Nazirliyi rəsmi açıqlama yayıb.

Məlumatda bildirilir ki, İskəndəriyyə şəhərindəki binalardan birində uşaqları ataraq öldürməkdə şübhəli bilinən məhkum Mahmud Həsən Ramazan həbsxanada edam edilib. 

Qeyd edək ki, 2013-cü ildə baş verən hadisədən sonra məhkəmə 2014-cü il mayın 19-da müttəhimlərdən Mahmud Həsən Ramazanı edam, 18 nəfəri də ömürlük həbs cəzasına məhkum etmişdi.

Xəbərdə M.Ramazanın "Müsəlman Qardaşları" təşkilatının üzvü olmadığı da qeyd olunub.  

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi