Misirdə baş vermiş dəmir yol qəzasının səbəbləri məlum olub

Bakı. 11 avqust. REPORT.AZ/ Misirin İskəndəriyyə şəhərinin qubernatoru Məhəmməd Sultan sərnişin qatarlarının toqquşmasında maşinistlərdən birinin təqsirkar olduğunu bildirib.

"Report" xəbər verir ki, bu barədə "Ahram" məlumat yayıb.

"O, yola növbəti qatar daxil olduqda semaforun qadağanedici siqnalını görməyib. Bu, faciəyə səbəb olub", – deyə Sultan bildirib.

Misirdə, İskəndəriyyə şəhəri yaxınlığında baş vermiş dəmir yol qəzasında 36 nəfər ölüb.

Ölkə prokurorluğu faktla bağlı təhqiqata başlayıb.