Mərakeş və Omanda COVID-19 qurbanlarının sayında artım müşahidə edilib.
“Report” xəbər verir ki, bunu ölkələrin səhiyyə nazirlikləri açıqlayıb.
Məlumata görə, koronavirusdan ölənlərin sayı Mərakeşdə 133-ə, Omanda isə 5-ə yüksəlib.
Bundan başqa, Livan və Liviyada yoluxma halları artıb. Belə ki, Yaxın Şərq ölkəsi Livanda yoluxanların sayı 668-ə çatdığı halda, Şimali Afrika ölkəsi Liviyada bu rəqəm 49-a yüksəlib.
Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus 210 ölkə və bölgədə qeydə alınıb.
Dünyada koronavirus infeksiyasına indiyədək yoluxanların sayı 2 200 000-i ötüb. Bunların 558 150 nəfəri sağalıb, 147 784 nəfəri isə ölüb.
Ümumdünya Səhiyyə Təşkilatı (ÜST) fevralın 11-də infeksiyanın adını COVID-19 qoyub, martın 11-də isə koronavirusu pandemiya elan edib.