Mer Vaşinqtona səfər etməməyə çağırıb

Mer Vaşinqtona səfər etməməyə çağırıb Bildirilib ki, yanvarın 20-də Vaşinqtonda təhlükəsizliyi təmin etmək məqsədilə adları çəkilən ştatların yerli hakimiyyətləri birgə fəaliyyət göstərəcək.
Digər ölkələr
467
12 Yanvar , 2021 09:55
Mer Vaşinqtona səfər etməməyə çağırıb
Müriel Bouzer
0 : 00
0 : 00

ABŞ-ın paytaxtı Vaşinqtonun meri Müriel Bouzer qonşu Merilend və Virciniya ştatlarının qubernatorları ilə birlikdə ABŞ vətəndaşlarını yeni prezident Cozef Baydenin andiçmə mərasimi günü paytaxta səfər etməməyə, tədbiri onlayn izləməyə çağırıblar.

“Report” xəbər verir ki, bəyanat merin rəsmi saytında yerləşdirilib.

Bildirilib ki, yanvarın 20-də Vaşinqtonda təhlükəsizliyi təmin etmək məqsədilə adları çəkilən ştatların yerli hakimiyyətləri birgə fəaliyyət göstərəcək: “Prezidentin 59-cu andiçmə mərasiminin qeyri-adi şəraitdə keçməsi, o cümlədən ötən həftə baş verən qiyam və pandemiya ilə əlaqədar ölüm hallarının artmasına görə amerikalıları Vaşinqtona səfər etməməyə, tədbirə virtual qoşulmağa çağırırıq”.

Qeyd edək ki, ABŞ Prezidenti Donald Tramp Vaşinqtondan fövqəladə vəziyyət elan edib.

Xatırladaq ki, 2020-ci ilin noyabr ayının 3-də ABŞ-da prezident seçkiləri keçirilib. Yekun nəticələrə görə, müxalif Demokratlar Partiyasının namizədi, 78 yaşlı senator Cozef Bayden Respublikaçılar Partiyasının təmsilçisi, hazırkı prezident Donald Trampa qalib gəlib. Buna baxmayaraq, D.Tramp seçkilərdə saxtakarlığın olduğunu açıqlayaraq nəticələri tanımayıb. Bunun fonunda ABŞ-ın bir sıra ştatlarında hazırkı prezidentin tərəfdarları nümayişlər keçirməyə başlayıb.

Yanvarın 6-da Vaşinqtonda keçirilən böyük mitinq isə iğtişaşa çevrilib. Donald Trampın tərəfdarları Konqres binasına basqın edib. Bu zaman 5 vətəndaş həlak olub, 14 polis yaralanıb.

Vaşinqton Polis İdarəsinin rəisi Robert Kontinin sözlərinə görə, vətəndaşlardan biri polisin açdığı atəş nəticəsində ölüb.

Paytaxtda qarışıqlıq düşəndən sonra Donald Tramp başda Cozef Bayden olmaqla digər siyasətçilərin təzyiqi altında tərəfdarlarına videomüraciət edib. O, müraciətdə seçki nəticələrinin oğurlandığını, lakin bununla belə zorakılığa yol verilməməsinin vacibliyini vurğulayıb.

Yanvarın 7-də ABŞ konqresinin hər iki palatasının - Senat və Nümayəndələr palatasının birgə keçirilən iclasında Cozef Baydenin prezident seçkilərindəki qələbəsi təsdiqlənib. Donald Tramp isə, öz növbəsində, yanvarın 20-da hakimiyyəti dinc yolla ötürəcəyini açıqlayıb. Yanvarın 20-də C.Baydenin prezident kimi and içəcəyi gözlənilir.

Son xəbərlər

Orphus sistemi