Meksikada yük qatarı relsdən çıxıb, xəsarət alanlar var

Meksikanın şimalındakı Qomez Palasio bölgəsində yük qatarının relsdən çıxması nəticəsində 3 nəfər xəsarət alıb.

"Report" xəbər verir ki, bu barədə Torreon şəhərinin mülki müdafiə və yanğınsöndürmə idarəsi tviterdə məlumat yayıb.

Qəzadan sonra hadisə yerini alov bürüyüb.

Alovun söndürülməsində bir neçə yanğınsöndürmə briqadası iştirak edib və nəticədə vəziyyəti nəzarət altına ala bilib.

Xəsarət alan lokomotiv heyətinin üzvləri xəstəxanaya çatdırılıb. Qəzanın mümkün səbəbləri barədə məlumat açıqlanmır.