Bakı. 22 dekabr. REPORT.AZ/ Meksikada təyyarə qəzaya uğrayıb.
"Report" RİA "Novosti"yə istinadən xəbər verir ki, hadisə Kintana Roo ştatında baş verib.
İlkin məlumata görə, qəzaya uğramış kiçik "Cessna 207" təyyarəsinin göyərtəsində 5 nəfər olub. Onlardan 4-ü Böyük Britaniyadan olan turistlər, 1-i isə pilot imiş.
Təyyarə Playi-del-Karmendən Çiçen-İça arxeoloji zonasına doğru uçub və ekvatorial meşədə yerə düşüb. Göyərtədəkilərin hamısı sağ qalsalar da, müxtəlif xəsarətlər alıblar.
Hadisə yerində xilasedicilər və yanğınsöndürənlər işləyir.