Meksikada təyyarə qəzası: nazir müavini və daha 6 nəfər ölüb

Meksikada ikimühərrikli “Cessna” təyyarəsinin qəzaya uğraması nəticəsində 7 nəfər ölüb, bir nəfər yaralanıb.

“Report” xəbər verir ki, məlumatı yerli “Jornada” qəzeti yayıb.

Bildirilib ki, hadisə Meksikanın Sonora ştatında baş verib. Təyyarənin göyərtəsində 8 nəfər olub. Onlar Meksikanın Ermosilo şəhərindən ABŞ-ın Arizona ştatının Tuson şəhərinə uçuş edirmiş. Ölənlər arasında Sonora əyalətinin iqtisadi inkişaf nazirinin müavini və anası da olub.

Meksikanın federal hakimiyyəti və prokurorluğu hadisə ilə bağlı araşdırma aparacaq.