Bakı. 22 iyul. REPORT.AZ/ Meksikada sutkadan da az vaxt ərzində biri uşaq olmaqla ən azı 14 nəfər zorakılığın qurbanı olub.
"Report" xəbər verir ki, bu barədə cümə axşamı ölkənin hüquq-mühafizə orqanları məlumat yayıb.
Səs-küylü cinayətlər Verakrus, Oaxaka və Qerrero ştatlarında qeydə alınıb. Cinayətlər odlu silahın tətbiqi ilə baş verib, saxlanılanlar barədə məlumat daxil olmayıb.
Oaxaka ştatında naməlum şəxslər musiqiçini, onun həyat yoldaşını və 11 yaşlı oğlunu öldürüblər. Verakrus və Qerrero ştatlarında üzərində işgəncə əlamətləri olan ümumilikdə 8 kişi və qadın meyiti aşkar edilib.
Eyni zamanda, Verakrusda jurnalist Pedro Tamayo güllələnib.