Bakı. 4 dekabr. REPORT.AZ/ Meksikanın Halisko ştatında silahlı cinayətkarlar polis əməkdaşlarına hücum edib.
"Report" xəbər verir ki, bu barədə ştatın baş prokurorluğu məlumat yayıb.
Bildirilir ki, hadisə La-Uerta bələdiyyəsi ərazisində baş verib. Hücum zamanı 6 polis əməkdaşı öldürülüb, həmçinin daha 1 polis yaralanıb.
Faktla bağlı təhqiqat aparılır. Ərazidə cinayətkarların axtarışı həyata keçirilir.