KİV: Tramp ABŞ-nin cənub sərhədini qorumaq üçün hərbçilər göndərəcək

ABŞ-nin yeni seçilmiş prezidenti Donald Tramp prezidentliyinin elə ilk günündə ölkənin cənub sərhədində hərbçilərin yerləşdirilməsi haqqında sərəncam imzalamaq niyyətindədir.

“Report” xəbər verir ki, bu barədə “Fox News” telekanalı məlumat yayıb.

Sərəncama əsasən, ABŞ silahlı qüvvələri sərhəd mühafizəsini təmin etmək üçün göndəriləcək. Qeyd olunur ki, Pentaqona maksimum əməliyyat effektivliyinə nail olmaq üçün hərbi resursları federal hüquq-mühafizə və kəşfiyyat orqanları ilə inteqrasiya etmək tapşırılıb.

Telekanal iddia edir ki, bu tədbirlər sərhədə nəzarətin gücləndirilməsi və beynəlxalq cinayətkar qruplarla mübarizə məqsədi daşıyır.