Almaniyada avtomobilin izdihamın üzərinə sürülməsi nəticəsində ən azı iki nəfər ölüb, 25 nəfər xəsarət alıb - YENİLƏNİB

Manheymdə avtomobilin izdihamın üzərinə sürülməsi nəticəsində ən azı iki nəfər ölüb, 25 nəfər xəsarət alıb.

“Report” xəbər verir ki, bu barədə “Bild” nəşri yazıb.

16:39

Almaniyanın Manheym şəhərində avtomobil kütləyə çırpılıb, bir nəfər ölüb.

“Report” TASS-a istinadən xəbər verir ki, bu barədə yerli KİV məlumat yayıb.

İlkin məlumatlara görə, avtomobil Paradeplats rayonunda izdihama çırpılıb. Xilasetmə xidmətləri hadisə yerindədir.

Polis sakinlərdən şəhər mərkəzinə səfər etməməyi xahiş edib.

“Bild” nəşrinin məlumatına görə, bir neçə nəfər xəsarət alıb. Onların vəziyyəti ağır qiymətləndirilir.
Bildirilib ki, avtomobilin sürücüsü artıq saxlanılıb.