Londonda Ukrayna üzrə tam atəşkəs planı razılaşdırıla bilər

ABŞ və Ukraynanın müttəfiqləri gələn həftə Londonda Ukraynada tam atəşkəs planını təsdiqləmək niyyətindədir.

Bu barədə “Report” TASS-a istinadən xəbər verir.

“Gələn həftə Londonda biz tam və hərtərəfli atəşkəs haqqında qərar qəbul etmək istəyirik. Sonra tərəflərin hazırda hansı mövqedə olduğunu anlamaq üçün Rusiya ilə danışıqlar aparmağı və onlara ən yaxşı yekun təklifi təqdim etməyi planlaşdırırıq - ”, - nəşr ABŞ administrasiyası nümayəndəsinin sözlərindən sitat gətirib.

Məmurun sözlərinə görə, Rusiyanı bu təklif üzrə danışıqlara cəlb etmək üçün Vaşinqton Moskvaya anti-Rusiya sanksiyalarının yumşaldılmasını və ola bilsin, Rusiyanın Qərbdəki dondurulmuş aktivlərinin blokdan çıxarılmasını təklif edə bilər.