Londonda II Elizabetin hakimiyyətinin yubileyi şərəfinə parad keçirilir

Bu gün Londonda Böyük Britaniya Kraliçası II Elizabetin taxtda olmasının 70 illiyi şərəfinə təntənəli parad keçirilir.

“Report” xarici KİV-ə istinadən xəbər verir ki, tədbirdə kral silahlı qüvvələrinin müxtəlif bölmələrindən 1500-dən çox hərbçisi və 400 musiqiçi iştirak edir.

Bayram tədbirlərinin kulminasiya nöqtəsi 10 min nəfərin iştirakı ilə iyunun 5-nə planlaşdırılan parad olacaq. Paradda məşhurların da olacağı gözlənilir. Yürüş Vestminster abbatlığının zənglərinin sədaları altında başlayacaq, yürüş iştirakçıları oradan Bukingem Sarayına doğru yola düşəcəklər.