Londonda elektron siqaretin partlaması nəticəsində vağzal təxliyyə edilib

Bakı. 30 avqust. REPORT.AZ/ Londonun Yuston dəmiryol vağzalında elektron siqaretin partlaması nəticəsində insanların təxliyyə edilməsindən sonra qatarların hərəkətində ləngimələr gözlənilir.

"Report" xəbər verir ki, bu barədə nəqliyyat polisi məlumat yayıb.

Təxliyyədən əvvəl vağzalda kiçik elektrik cihazı partlayıb. Müəyyən edilib ki, partlayan elektron siqaret olub. Partlayış nəticəsində xəsarət alan yoxdur.

"Stansiya yenidən açıqdır, amma bu axşam bəzi xidmətlərdə böyük ləngimələr gözlənilir", - deyə vağzalın "Twitter"ə yerləşdirilən məlumatında bildirilir.