Litvada 30 min elektromobil haker hücumuna görə şarjsız qalıb

Litvada ölkədəki bütün enerji doldurma məntəqələri ilə birlikdə 30 min elektromobil iflic olub.

“Report” “Mash” teleqram kanalına istinadən xəbər verir ki, “Just Evil” qrupunun (keçmiş “KillNet”) rusiyalı hakerləri Baltikyanı ölkələrdə, Finlandiya və Polşada olduğu kimi, elektrik enerjisinin istehsalı və paylanması ilə məşğul olan “Ignitis Grupė” şirkətinin sisteminə daxil olub.

Hakerlər elektrik yanacaqdoldurma məntəqələrinin müştərilərindən alınmış verilənləri dərc edəcəklərini və sonra onlar üçün yanacaqdoldurma məntəqələrinə girişi həmişəlik bloklayacaqlarını vəd ediblər.