Litva “Rheinmetall” konserni ilə silah-sursat zavodunun tikintisinə dair müqavilə imzalayıb

Litvanın İqtisadiyyat və İnnovasiyalar Nazirliyi Almaniyanın “Rheinmetall” silah konserni ilə silah-sursat zavodunun tikintisinə dair müqavilə imzalayıb.

“Report” Litva KİV-lərinə istinadən xəbər verir ki, bu barədə Litvanın iqtisadiyyat və innovasiyalar naziri Auşrine Armonayte məlumat verib.

“Litvada “Rheinmetall” zavodunun inşası lazımi silah və sursata fasiləsiz çıxışı təmin edəcək. Bununla biz Avropanın müdafiəsi üçün lazım olan məhsulları istehsal edəcəyik. Bu zavoda 180 milyon avrodan çox investisiya qoyulacaq. Yeni zavodda azı 150 yeni iş yerinin yaradılması gözlənilir”, - o qeyd edib.