Ley Sinde Tayvanın rəhbəri vəzifəsinin icrasına başlayıb

Taybedə Tayvan Administrasiyasının rəhbəri Ley Sindenin vəzifəsinin icrasına başlaması münasibətilə mərasim keçirilib.

“Report” xəbər verir ki, yayımı ada Administrasiyası rəhbərinin ofisi aparıb.

Yanvarın 13-də Tayvanda administrasiya rəhbərliyinə və qanunverici orqana deputat seçkiləri keçirilib. O vaxt ada Administrasiyasının rəhbərinin müavini vəzifəsini tutan Ley Sinde səslərin 40,05 %-ni qazanaraq qalib gəlib. Seçki yarışında onun müttəfiqi adanın administrasiya rəhbərinin müavini vəzifəsini icra edən Syao Meysin idi.