Yuxarı
    Bağlamaq

    "Lavin" fırtınası Filippində 15 nəfərin həyatına son qoyub

    Yeddi min ada ölkəsində Lavin fırtınası ilə əlaqədar 230 min insan təxliyə edilib

    Bakı. 23 oktyabr. REPORT.AZ/ "Lavin" fırtınası Filippində 15 nəfərin həyatına son qoyub.

    "Report" "RİA Novosti"yə istinadən xəbər verir ki, bu barədə ölkənin Fövqəladə Hallarda Milli Şurasının icraçı direktoru Rikardo Jalad məlumat yayıb.

    Kaqayan vilayətinin qubernatoru Manuel Mamba isə bildirib ki, qurbanların sayı arta bilər. Onun sözlərinə görə, vilayətdə daha 4 nəfər təbii fəlakətin qurbanı olub.

    Fövqəladə Hallarda Milli Şuranın son məlumatına görə, "yeddi min ada ölkəsi"ndə "Lavin" fırtınası ilə əlaqədar 230 min insan təxliyə edilib. Onlardan 160 mini hələ də evlərinə qayıda bilməyib.

    Təbii fəlakət 2000-dən çox evi dağıdıb, 12 min evə ziyan vurub. Habelə ölkənin şimalında yolların dağılmasına, elektrik enerjisinin kəsilməsinə, Kaqayan vilayətinin enerji təchizatının pozulmasına səbəb olub. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi