Bakı. 14 oktyabr. REPORT.AZ/ Şimali Koreya ölkənin dinc həyat sürməsi yolunda ona əngəl yaradacaq bütün düşmənləri məhv etməyə hazırdır.
“Report” RİA “Novosti”-yə istinadən xəbər verir ki, bu barədə jurnalistlərə Parlamentlərarası Birliyin assambleyası çərçivəsində Şimali Koreya nümayəndə heyətinin başçısı, ölkə parlamentinin vitse-spikeri An Don Çxun deyib.
“Bizim ölkə istəyir ki, dinc gələcəyimiz olsun. Bu səbəbdən, bu yolda bizə maneçilik törədən bütün düşmənləri məhv etməyə hazırıq", - deyə o əlavə edib.
Şimali Koreya nümayəndəsi digər suallara cavab verməkdən imtina edib. O, Sankt-Peterburqa şəhəri seyr etməyə və şəkillər çəkməyə gəldiyini deyib.