Küveytin ən böyük neft emalı zavodunda yanğın olub, ölənlər və yaralananlar var

Küveytin ən böyük neft emalı zavodunda yanğın qeydə alınıb.

"Report" xəbər verir ki, bu barədə ölkənin Milli Neft Korporasiyası tviter səhifəsində bildirib.

Hadisə nəticəsində 2 nəfər ölüb, 10 nəfər xəsarət alıb. Yeddi nəfər xəstəxanaya çatdırılıb, onlardan beşinə ağır, ikisinə isə orta dərəcəli yanıq xəsarətləri diaqnozları qoyulub.

Yanğın təmir işləri aparılan zaman baş verib.