Kuba səmasında partlayış baş verib

Bakı. 2 fevral. REPORT.AZ/ Kubanın Pinar-del-Rio əyalətinin şəhərlərindən biri yaxınlığında güclü partlayış baş verib.

“Report” TASS-a istinadən xəbər verir ki, şahidlərin sözlərinə görə, hadisənin baş verməsindən bir neçə saniyə əvvəl onlar göydən düşən yad cism görüblər.

Partlayışdan sonra yanğın baş verib, əraziyə yanğınsöndürənlər və aidiyyəti idarələrin nümayəndələri cəlb olunub.

"Granma" qəzeti ölkənin Müdafiə Nazirliyinə istinadən yazır ki, baş verənlər bəzi insanların düşündüyü kimi aviaqəzanın nəticəsində olmayıb.

Nəşr ehtimal edir ki, partlayış Pinar-del-Rio əyalətinin Vinyales şəhərinə meteorit düşməsi nəticəsində baş verib.