Mərakeş donanması 68 qanunsuz miqrantı daşıyan gəmini saxlayıb

Mərakeş Kral Donanmasının gəmiləri yardım missiyası zamanı Atlantik okeanında 68 qeyri-qanuni miqrantı daşıyan gəmini saxlayıblar.

"Report"un məlumatına görə, bu barədə "Maqrib Arab Press" agentliyi xəbər yayıb.

Afrika ölkələrindən olan miqrantlar Kanar adalarına (İspaniya) gedirdilər. Gəmi Daxla şəhərindən 16 km cənub-qərbdə (krallığın Atlantik sahili) saxlanılıb. Mərakeş səlahiyyətliləri gəmidə ölmüş iki miqrantın meyitini də aşkarlayıblar.

Xilas edilənlərin hamısına lazımi yardım göstərildikdən sonra onlar Daxla limanında Kral Jandarm qüvvələrinə təhvil verilib.