Koronavirus pandemiyası dünyada aclığa səbəb olur

"İqlim dəyişiklikləri və münaqişələr dünya boyu yoxsulluğa, gəlir bərabərsizliyinə, ərzağın bahalaşmasına təkan verən amillərdir".

“Report” “AP”yə istinadən xəbər verir ki, bunu BMT baş katibi Antonio Quterreş videomüraciətində bildirib.

Onun dediyinə görə, yoxsulluq, gəlir bərabərsizliyi, ərzağın baha olması səbəbindən dünyada 3 milyard insan sağlam qidalanmadan məhrumdur.

Qeyd edək ki, BMT-nin Kənd Təsərrüfatının İnkişafı üzrə Beynəlxalq Fondunun (IFAD) bu ay açıqladığı hesabata görə, 2020-ci ildə dünya boyu 811 milyon insan aclıqla üzləşib ki, bu da əvvəlki ilə nisbətən 161 milyon çoxdur. Belə vəziyyətin yaranması COVID-19 pandemiyasının yaratdığı fəsadlarla bağlıdır.