Konqresin Aşağı Palatası İsrailə 14,3 milyard dollarlıq hərbi yardımın ayrılmasını təsdiqləyib

ABŞ Konqresinin Nümayəndələr Palatası İsrailə hərbi yardım göstərilməsi üçün səs verib.

“Report”un məlumatına görə, bu barədə C-SPAN telekanalı məlumat yayıb.

Layihəni Nümayəndələr Palatasının 226 üzvü dəstəkləyib, 196 konqresmen isə əleyhinə səs verib.

Səsvermə nəticəsində İsrailə 14,3 milyard dollarlıq yardımın ayrılması layihəsi baxılmaq üçün Amerika parlamentinin yuxarı palatası olan Senata göndəriləcək.

Bundan sonra layihə prezident Cozef Bayden tərəfindən imzalana və ya rədd edilə bilər.