Kolumbiyada narkokartelin liderlərindən biri zərərsizləşdirilib

Kolumbiya Silahlı Qüvvələri “Körfəz klanı” narkokartelinin hədəflərinə aviazərbələr endirib, ölkənin ən böyük cinayətkar qruplaşmasının liderlərindən biri öldürülüb.

“Report”un xəbərinə görə, bu barədə Kolumbiya prezidenti Qustavo Petro “X” sosial şəbəkəsindəki səhifəsində yazıb.

Onun sözlərinə görə, əməliyyat Antiokiya departamentinin Seqoviya şəhərində həyata keçirilib:

“Hava zərbələri nəticəsində narkotik kartelin doqquz üzvü öldürülüb, biri saxlanılıb, 13 tüfəng isə müsadirə edilib. Ölənlər arasında “Hitler” ləqəbli lider Manuel Aleksander Arisa Rosario və “Neym” ləqəbli müavin Hayro Xulio de Oyos da var”.